Pagina:Berto Barbarani, I due canzonieri, 1917.pdf/204

Sta pagina la xe stà trascrita, ma la gà ancora da vegner rileta.
II.


― Sì lo so, l'è el Signor che me castiga,
lo so, lo so, lo so, bison1 che tasa...
Ma te si sta do note for de casa
sensa gnanca2 mai scrivarme 'na riga!

E mi quà sola, su to fiol che siga,
che bison che lo lata e che lo basa,
sensa un gosso3 de vin, sensa 'na brasa,4
lavorando par lu... Con che fadiga!

Ma par cosa me tràtito così?!
Ma ci èlo sto can? quel che te 'stiga,
quel che te dise tanto mal de mi?

Èlo questo el compenso, questo el fruto...
Senti... Vien quà, che no te magno miga...
Scolta... Vien quà, che te pardono tuto...

  1. bison: bisogna
  2. gnanca: neppure
  3. gosso: gocciolo
  4. brasa: bragia.
Traesto fora da Wikipèdia - L'ençiclopedia łìbara e cołaboradiva in łéngua Vèneta "https://vec.wikisource.org/w/index.php?title=Pagina:Berto_Barbarani,_I_due_canzonieri,_1917.pdf/204&oldid=70718"