Pagina:Berto Barbarani, I due canzonieri, 1917.pdf/205

III.

– No te 'scolti?... Te tasi?... E te me ridi!
Te scurlo¹ e te stè lì come de sasso?
Te me fè quele sgogne² da paiasso,
e te squassi³ la gamba, e te me sfidi?!

Ah! I me l'ha dito, che te te maridi...
Te vô farte più sior, farte più grasso...
Te vô condurla la to dona a spasso,
parchè a 'ndarghe con mi no te te fidi!...

Ma parchè, par to fiol no gh'è giustissia,
no gh'è 'na lege che te tien ligado:
fora bastardi... Zà le donne sbrissia,⁴

bruto viliaco porco, svergognado...
Senti... Vàrdelo là che 'l se desmissia...
Va su la forca; te me l'è sveiado...

1. scurlo: scuoto
2. sgogne: smorfie
3. e te squassi: e fai dondolare
4. sbrissia: sdrucciolano.