Sta pagina la xe stà trascrita, ma la gà ancora da vegner rileta.
VIII.
El campanil de Rivoli se impissa
col sol de Italia che de drio se sconde:
e dai forti che in aria, eco, se indrissa,
altri foghi, altri ciari ghe risponde.
E brusa tuta la valada, e a bissa
boa1 spïuma l’Adese – e le onde
soto el sol le te par polere2 bionde
che salta intorno a la cavalarissa!
Quà Napolion l'à vinto una batalia!
Ma de note, se vede a luna bassa,
pronti a ciamarse e a dimandarse scusa
soldadi morti in meso ala mitralia
che el vento eterno de sti loghi, spassa
par Cerain, portandoli alla Ciusa.