Pagina:Berto Barbarani, I due canzonieri, 1917.pdf/29

Sta pagina la xe stà trascrita, ma la gà ancora da vegner rileta.
LÈTARA AL SIGNOR.


     Me sio1 m'à dito: no te dao più un scheo,2
la me morosa: no te guardo più!
Signor, slonghème un deo,3
che me ghe taca e pò tirèlo su.

     L'è du giorni, dal bon, che fago passi,
in çerca de lavoro e son digiuno!
Gh'è tanti preti grassi,
che mi finisso col magnarde uno...!

     La providensa, i dise, no la fa
mancar gnente a i osei su i albareti;
par sta fame che quà,
ghe ne voria par mi de i oseleti!

     E i conta, che g'аvì fra tante cose,
de i vestiti (no' stè scurlar4 le recie)
tuti perle pressiose...
Butème zo le vostre braghe vecie!

  1. sio: zio
  2. scheo: centesimo
  3. deo: dito
  4. scurlar: scuotere.
Traesto fora da Wikipèdia - L'ençiclopedia łìbara e cołaboradiva in łéngua Vèneta "https://vec.wikisource.org/w/index.php?title=Pagina:Berto_Barbarani,_I_due_canzonieri,_1917.pdf/29&oldid=70456"