Pagina:Berto Barbarani, I due canzonieri, 1917.pdf/35

Sta pagina la xe stà trascrita, ma la gà ancora da vegner rileta.


     smiaolando... po i torna a pian pianin,
par provarse le ongie a un'altra sfida...
El castel fato su dal sior Tonin,
drito, su i copi, a l'orba,1 el par che el rida...

     Mi son soto che dormo, e in verità
pur che i tasesse pagaria qualcosa,
lo so anca mi de che saor le sà,
le bote tolte su par la morosa!

     Ma vien matina e torna a far pio, pio,
i du colombi inamoradi mati...
I se discore de fodrarse el nio
coi fiocheti de pel che à perso i gati!

     I se discore de cambiar de aria
quando che nasse el primo colombin;
e questa quà l'è tuta la rosaria
dei colombi, dei gati e del camin!

  1. a l'orba: all'oscuro.
Traesto fora da Wikipèdia - L'ençiclopedia łìbara e cołaboradiva in łéngua Vèneta "https://vec.wikisource.org/w/index.php?title=Pagina:Berto_Barbarani,_I_due_canzonieri,_1917.pdf/35&oldid=70476"