Pagina:Berto Barbarani, I due canzonieri, 1917.pdf/37

Sta pagina la xe stà trascrita, ma la gà ancora da vegner rileta.


          Nel paese del tesoro
     gh'è le bele case giale!
     Voi portarghe, se no moro,
     me morosa su le spale,
     ma a portarla in fin a là,
     quante strussie1 ghe vorà?

     La to boca soto el naso,
de le boche l'è la prima,
l'è un fiocheto de bombaso2
co una fraga schissà in çima;
la conduse col vapor,
nel paese de l'amor...

          Quando ben se s'inamora
     se sta vivi un pesso e un toco;
     ― Cori fora, cori fora, –
     che a ’ndar là se spende poco!
     Cissà quanti infin a là,
     quanti basi se se dà!

  1. strussie: fatiche
  2. bombaso: bambagia.
Traesto fora da Wikipèdia - L'ençiclopedia łìbara e cołaboradiva in łéngua Vèneta "https://vec.wikisource.org/w/index.php?title=Pagina:Berto_Barbarani,_I_due_canzonieri,_1917.pdf/37&oldid=70480"