Pagina:Berto Barbarani, I due canzonieri, 1917.pdf/42

Sta pagina la xe stà trascrita, ma la gà ancora da vegner rileta.

III. — LA CAMPANA DE I MORTI.

     Senti el «don don» de i morti
come che el fa pensar!
Se trema i antiporti,
Nina, no sta tremar
                    par el «don don» de i morti.

     Guarda castagne a rosto,
che t'ò comprado ancò;
dopo andaremo a l'osto
par fàrsele andar zo,
                    tante castagne a rosto!

     Anca ne l'ostaria
la tacarà a sonar;
ma ti no sta andar via,
ma ti no sta tremar
                    se trema l'ostaria.