LA STRADA POARETA.
I.
Eco una strada propio poareta,
dove che el sol no va mai star de casa.
In meso ai sassi spurga una fosseta,
che zo, zo ne la ciavega1 stravasa.2
Da la finestra guarda 'na gobeta
piena de fredo, e arente, che se basa,
tacade a un scuro,3 drento a la gabieta,
do pàssare malade su 'na stasa.
Soto una porta scura, scura, scura,
gh'è el savatin4 che bate su le sôle
e una gatina piena de paura;
gh'è de le strasse5 a l'aria che se suga,
e zo, par tera, a far le capriole,
gh'è du mostri rachitici che zuga!
