II.
A mesanote i sera la locanda
e bastiemando el gobo el se rampéga
sora i scalini de una ciesa granda,
co la fame che 'l stomego ghe sbrega.1
Lu no 'l g'à leto, lu no 'l g'à una branda,2
nè un paion, nè un cussin, nè una carega,3
ma el va zo co la testa da una banda
su i scatolini de la so botega;
e sognando ghe par, che da i cerini,
salta su, co la facia invernisada,
de le done in camisa a farghe inchini;
che lo invida a balar qualche matada,
che ghe tasta la goba co i dentini...
E i è le done che lu el vende in strada!
