Pagina:Berto Barbarani, I due canzonieri, 1917.pdf/85

Sta pagina la xe stà trascrita, ma la gà ancora da vegner rileta.

     Primavera, come feto,
così bianca, così siora,
a levarte su dal leto
quando tuti i sta a dormir?

               – Mi, camino sora i àlsari
          dove sbocia qualche fiora,
          per giutarla a vegnèr fora,
          par no vèdarla a patir! –

     Primavera, çento basi
te vôi dar su la manina;
dirte quanto te me piasi,
propio dirtelo no so...

               Ma in campagna soto a i àlbari
          che ne i fossi zo se specia,
          «bisi, bisi»¹ in te 'na recia,
          primavera te 'l dirò...

↑ bisi, bisi: corrisponde al nostro bisbigliare.

[1] bisi, bisi: corrisponde al nostro bisbigliare.

1