Pagina:Berto Barbarani, I due canzonieri, 1917.pdf/88

Sta pagina la xe stà trascrita, ma la gà ancora da vegner rileta.

     Se la luna la se sconde,
se le stele le se vede,
zo ne l'acqua fonde fonde
co i ocieti in verso al ciel...

     Ci me impresta la so rede,
da pescarte sti lumini,
che vôi farde du recini,
che vôi fartene un anel?

     Ci me impresta i so piombini,
ci me impresta el so batel?

     Se fa nuvolo e gh'è scuro,
se le grilie¹ el vento el scuna,
e un molin che fa susuro
el se màstega el so gran,

     co 'l vestito fato a luna,
co i recini fati a stela,
su 'na barca sénsa vela,
vôi condurte via lontan...

     Co una man soto l'assèla,
co 'l timon ne l'altra man...

↑ grilie: imposte della finestra.

[1] grilie: imposte della finestra.

1