Pagina:Collezione delle migliori opere scritte in dialetto veneziano 1.djvu/27

Sta pagina la xe stà trascrita, ma la gà ancora da vegner rileta.

     Penséve che strapazzo,
     20La fava de sto cuor!
La se ne gera acorta
     Sta furba, sta strigheta,
     E a darme la stangheta
     24La s'à volsù provar:
Varda quel Sol, la dise,
     Co belo ch'el vien fora;
     E come che l'indora
     28L'acqua col so splendor!
Come ch'el venteselo
     Va l'aria rinfrescando
     Come se va ingrespando,
     32Placidamente el mar!
Ma mi, che come brase
     Tuto de drento ardeva;
     Penséve se gaveva
     36Più vogia de vardar.
Ti, ti xe el Sol, rispondo,
     Per mi, nè gh'è altri Soli;
     O che ti me consoli,
     40O vedime a morir.
Pietosa quei ochieti
     Verso de mi la move,
     E sento che me piove
     44Mile dolcezze in sen.
La man ghe strenzo alora,
     La bela me risponde,

Traesto fora da Wikipèdia - L'ençiclopedia łìbara e cołaboradiva in łéngua Vèneta "https://vec.wikisource.org/w/index.php?title=Pagina:Collezione_delle_migliori_opere_scritte_in_dialetto_veneziano_1.djvu/27&oldid=72263"