Pagina:Collezione delle migliori opere scritte in dialetto veneziano 12.djvu/12

Sta pagina la xe stà trascrita, ma la gà ancora da vegner rileta.

    Digo quel che m'à dito el sior Moleca
    Che xe un omo... Che cade! el so gran mal
    Xe stada quela striga de so' mare
    80Che ghe filava el lazzo,
    E che ancora, sta vechia carampana;
    La ghe fa mo da serva e da rufiana.
        Xe che ò un poco de giudizio
            E no vogio ancuo parlar,
            85Perchè mai quel bruto vizio
            No go buo de mormorar.
Epur quela frascheta no xe bela,
    Ca' de Diana de dia,
    E l'à dito anca un dì dona Maria.
    90Ben la xe nata co la camiseta
    Perchè la ga trovà
    Quel panimbruo che se gh'à incapricià.
    La xe longa e sotila che la par
    Tramada a un fil de vento e de caligo;
    95La dopera, per farse molesina,
    Una certa manteca de castrà
    Che ghe lassa un odor che tuti sente
    Chi che passa, o se ghe senta arente;
    La xe un bezzo de asse,
    100Un soldo de formagio o de saon;
    Una roca impontìa, un canachion;
    La se rada i mustachi,
    La ga le carne come le lasagne;
    I peti tuti pori,

Traesto fora da Wikipèdia - L'ençiclopedia łìbara e cołaboradiva in łéngua Vèneta "https://vec.wikisource.org/w/index.php?title=Pagina:Collezione_delle_migliori_opere_scritte_in_dialetto_veneziano_12.djvu/12&oldid=61964"