Pagina:Collezione delle migliori opere scritte in dialetto veneziano 12.djvu/9

Sta pagina la xe stà trascrita, ma la gà ancora da vegner rileta.
LA MOMOLETA


CANTATA


Vardè la in quel Campièlo,
    Cara siora Prudenza benedeta,
    Chi xe quela siorazza spetenada
    Che fa tuti quei sesti, e che ramina
    5Con quel ninarse e quel bocon de mina.
    — La me par, se no falo, Momoleta.
    — Sì, sì, Momoleta, quela fia
    De misser Zacaria
    Che cerca, gramo, soto el Capitèlo
    10Tuto sgionfo le gambe e pien de mal,
    E che un dì finirà za a l'Ospeal.
    Varè, se Dio v'agiuta, mo no fala
    Propio stomego e rabia con quel far?
    L'è tal qual, da sioreta; con quei nei,
    15Con quel ninarse, co quel cotolin,
    E tuta bianca come un calalin.
    Varè; un che ghe fa i sberlefi,
    L'altro che ghe varda drio; tuti ghe dise
    Quel che po za so mi;
    20Anzi quel ch'i gh'à dito l'altro dì.

Traesto fora da Wikipèdia - L'ençiclopedia łìbara e cołaboradiva in łéngua Vèneta "https://vec.wikisource.org/w/index.php?title=Pagina:Collezione_delle_migliori_opere_scritte_in_dialetto_veneziano_12.djvu/9&oldid=72112"