20Ma quel ch'a vu ve par...
Demelo, via, ch'è vostro sto regalo.
— Son qua, ve servo in bota,
Responde l'Avocato al bon marmota:
Chi à tempo, vita mia, no aspeta tempo.
25E in sto mentre el ghe leva da le man
I do dindioni al povero Vilan,
Che tanto lo ringrazia, e volta via
Tuto pien de contento e d'alegria;
E zonto a casa, el varda el so formento
30Che no gera ben fato in quel momento;
Ma nonostante lu lo fa tagiar,
E i so fioli se taca a biastemar.
No i biastema per altro el zorno drio,
Che casca un tempeston, ne varda Dio!
35Anzi i conferma tuti tre d'acordo.
Che chi trascura el tempo xe un balordo.
