XXIV
Vederte da la testa infina al fianco;
E da là de le cotole a orovìa
Caminarte Cavei, che 'l Sol xe manco
4E lustro e biondo, senza dir busìa;
Mile anei zogolarte sul sen bianco,
E ai ochi e a le ganasse farte ombrìa;
Ah! chi se pol tegnir de sbalzo, franco;
8De squasi no pecar de idolatrìa?
Mi certo, co te vardo fisso fisso,
Ti me par un miracolo, e anca più,
11E coi ochi te bevo e te ingiotisso.
E zonzo a dir, che 'l più zentil zogièlo
De ti la Tera no la ga mai bu,
14Nè gnente se dà al mondo de più belo.
