Pagina:Collezione delle migliori opere scritte in dialetto veneziano 5.djvu/103

Sta pagina la xe stà trascrita, ma la gà ancora da vegner rileta.

     E po ve vien mal putrido;
     I brui ve lassa fame;
     La roba dolce in bota
     Ve fa nasser i vermi; un altro piato
     390Ve fa vegnir el flato;
     Vardei sti crapuloni,
     Gnanca de star in piè no i xe più boni,
     I è Lazareti, vardèli pur vardèli,
     El so tropo magnar li magna eli.
395La Zuca no che no la fa malani;
     No la fa gota, no la fa sunanza,
     La imbalsama la panza,
     La fa far bela copa,
     La fa papote grasse,
     400La ve prolonga i ani,
     E al più zoso a le basse
     La cava qualche stopa
     Produsendove un po' de zanzarela
     Che al fin dei fini purga la buela.
405Oh benedeta! la manestra è cota,
     Xe a l'ordine la lessa, e anca la rosta;
     Ga tuta la so crosta
     Quela che i à messo in techia a volta rota
     Donca corèmo,
     410Magnèmo,
     Sguazzèmo,
     Slapèmo,
     Crepèmo.

Traesto fora da Wikipèdia - L'ençiclopedia łìbara e cołaboradiva in łéngua Vèneta "https://vec.wikisource.org/w/index.php?title=Pagina:Collezione_delle_migliori_opere_scritte_in_dialetto_veneziano_5.djvu/103&oldid=62132"