Pagina:Collezione delle migliori opere scritte in dialetto veneziano 8.djvu/106

Sta pagina la xe stà trascrita, ma la gà ancora da vegner rileta.

     Zo i brilanti,
     Zo i strighezzi parigini,
     Fiori, nastri e merli fini;
     A sta ora basta un ve1o
     Che te sconda apena el belo:
Tuto tase,
     E per le case
     Da la Note semenai
     Cala i sogni, e indormenzai
     I marii de data vechia
     I xe duri assae de rechia.
Ma per quei
     Che xe novei
     I papaveri no cala,
     Impasienti el cuor ghe bala,
     E sensibili a i mi doni
     I spalanca un per de ochioni,
Coragiosa,
     Bela sposa,
     Cori in brazzo chi te adora,
     La mia fiacola tra un'ora
     Scaldarà pronuba i feri
     Ne i dolcissimi misteri.
Per un nodo
     Tanto sodo
     Chiaparà, te lo prometo,
     La to patria più conceto,
     E ignorar che gh'è Bertiolo

Traesto fora da Wikipèdia - L'ençiclopedia łìbara e cołaboradiva in łéngua Vèneta "https://vec.wikisource.org/w/index.php?title=Pagina:Collezione_delle_migliori_opere_scritte_in_dialetto_veneziano_8.djvu/106&oldid=55328"