VII.
Co s-ciaransane1 torbide de argento,
una capa de piombo se destende...
J-è le notissie perfide, tremende,
4che l'«aqua grossa» porta zò da Trento!
E semo al colmo del combatimento,
che le rive tien duro e no se arende;
gh'è mejara2 de anime che tende:
8pali, cariole, sachi e tórse a vento!
La çità sassinada a sangue vivo,
la pensa adesso a un muralion tardivo...
11E da un argine a l'altro de le Basse,3
par salvar le so bestie e le so strasse,
giuteme prima mi, che vôi giutarte,
14i sogna un sbrègo4 da quel'altra parte!
