Sta pagina la xe stà trascrita e rileta.
PRIMAVERA
— Senti Angelo che ciasso
me sucede. L'altra sera
son in Borgo1 fora a spasso
e tic tac, la Primavera,
5ghe l'ho bela e soto el brasso!
Eco, un'altra dona, amigo,
che me fa pirlar2 la testa:
Ohe, parona, siora, digo,
(l'avea tolta par foresta)
10la me mola se no sigo...3
— Ciò, vilan, la me risponde:
Ela questa la maniera
de tratar le siore bionde,
che g'à un nome: Primavera,
15da la viola che se sconde!?