Pagina:In gondoleta.pdf/15

«AMAR, AMAR, AMAR...»

---

Nina, d'amor ne parla el çiel rosà,
                    Le rare nuvolete,
El sol basso su l'aqua, imporporà,
                    Le picole barchete
5Che su l'ondina placida, liziere,
                    Lontan le svola via
Tuto dise d'amor vose¹ sinçere,
                    Bela Nineta mia

Se una vela se perde nel lontan
                    10Paçifico orizonte;
Se co ela se perde un senso arcan
                    De contentezze sconte²,
De l'altre vele vien a nualtri in volta³
                    Più alegre sora 'l mar
15Tute 'ste cosse, mia Nineta, 'scolta,
                    No le te fa pensar?

Varda el cocal⁴ che sora l'aqua svola:
                    Come che 'l ride: senti!
No par che anca lu creda a la parola
                    20Dolçe e cara dei venti?
"Amar, amar", ne la so vose el canta:
                    "Amar, amar, amar"
Ti, mia Nineta, a la parola santa
                    No ti ghe vol badar?

1. vose = voci.
2. sconte = nascoste.
3. vien a nualtri in volta = vengono verso di noi, alla nostra volta.
4. cocal = gabbiano.