Pagina:In gondoleta.pdf/39

RONDINELE

---

Alegre rondinele, se' tornae
                    Per ralegrarne el cuor,
E passè svelte, drite, scompagnae,
                    4Predicando l'amor.

'Na volta che¹ portè la primavera,
                    Che a nissun fe' del mal,
Se tuti a vualtre fa la bona çiera
                    8Xe giusto e natural.

Ma a mi, no ve incorzè, che più quel tanto
                    Afeto no eçitè?
Inveçe che soriso, el xe del pianto
                    12Quelo che me portè!

Ve recorden l'altr'ano? 'Na putela
                    Co mi la ga spetà
El vostro comparir, alegra e bela,
                    16Per el cielo indorà.

De bei bocoli² el nostro pergoleto³
                    El gera tuto pien,
E in mezzo a lori el mio bel anzoleto,
                    20Disè: No 'l stava ben?

Ma st'ano, se vualtre se' tornae
                    Zigando,⁴ a far l'amor;
Se le piante, per quanto trascurae,
                    24Ga messo fora el fior,

1. 'na volta che = perchè, per questo che.
2. bocoli = bocciuoli, bottoni delle rose.
3. pergoleto = poggiuolo, loggia.
4. zigando = gridando.