Pagina:In gondoleta.pdf/53

DRIO LA TENDINA¹

---

Nina mia, credistu
     Che la tendina
     Basta per scordarme
     4El to splendor?
               O ti te imagini
                    Che no indovina
                    Che là, spiandome,
                    8Ghe xe el to cuor?

Là drio, al palido
     Zentil viseto,
     Pena² 'l pol vedarme
     12Vien el rossor
               Tuto per scondarte,
                    Caro anzoleto,
                    Xe sempre inutile
                    16Contro 'l mio cuor!

No xe 'l to' movarte
     Drio lo tendina,
     No xe el rifleterse
     20Del to splendor
               Quel che scoverzarte
                    Me fa, mia Nina,
                    Ma xe un gran palpito
                    24Che me dà el cuor.

1. drio la tendina = dietro la tenda.
2. 'pena = appena.