Pagina:In gondoleta.pdf/82

NEVE E AMOR

---

Quela neve dei copi,¹ per sgiazzarse,²
     Quanto tempo, Madona, che ghe vol!
     Se la vede adasieto ritirarse
     4Dopo le longhe ociae³ che ghe dà el sol.

Par che a ogni tristo dì de nebie o vento,
     De sgiazzarse ghe vegna el pentimento;

Par che la diga: «Resto ancora qua....
     8Palido sol, xe assae lontan l'istà!...»

*
* *

Per tornar a sperar, quanto che speta
     El mio zovene cuor za sconfortà!...
     Ghe xe nòve ilusion, ghè 'na segreta
     12Speranza, ma el mio cuor resta serà.

Se le speranze de dorade e care,
     Le disilusïon xe tanto amare!...

No fidarte: sta atento, sa, mio cuor:
     16Ocio ai fantasmi.... xe lontan l'amor!...

1. dei copi = delle tegole, dei tetti.
2. sgiazzarse = sciogliersi.
3. longhe ociae = lunghe occhiate.