A VENEZIA
Quanto bela ti xe, Venezia mia!
Mi no posso finir mai d'amirarte....
Paradiso sul mar, cuna1 de l'arte,
4Viver sempre e morir qua mi voria.
Co' ti xe tuta piena de alegria
Ti ti me scaldi 'l cuor solo a vardarte;
Co' 'l çiel xe bruto e par che 'l vogia odiarte,
8Sento in tel cuor 'na gran malinconia.
Venezia cara, silenziosa e quieta,
Xe la belezza tua che à sugerio
11Versi al zovene cuor mio de poeta;
Venezia, logo che no ga 'l secondo,
Te vogio ben come a 'na mare el fio:
14Lontan da ti mi son fora del mondo.
- ↑ cuna = culla.
