AI SIORI ARISTOCRATICI
Maledeta superbia e vanità,
Ti xe del cuor uman la calamita,
No ti ascolti razon nè umanità,
4Co prepotenza ti ne tol la vita.
Nome vano per ti xe Carità,
Co l'ingano e 'l garbugio sempre unita
Ti voressi brusai regni e cità,
8Pur che la to ambizion fusse infinita.
Ma zonto xe quel dì che semo uguali
Per voler de quel Dio solo potente
11Che no patisse e no sostien rivali.
Spiega bandiera pur, spiega segnali;
Ma Pio farà restar sul Continente
14I Aristocratici come stivali.
- 29 April.
- Bepo Caime.
- 29 April.
