Sta pagina la xe stà trascrita, ma la gà ancora da vegner rileta.
XXIII.
A PAULO FAMBRI
Fambri, le nostre carte
Val più de ogni dotrina,
Val megio assae de l'arte
4Una partìà a conçina.
Lassa che soto el dente
Dei sorzi, in librarìa,
L'autor più sapïente
8Perda la so albagìa.
Lassa i povari morti
Star co i ragni in quïete,
Gnente no dà i conforti
12De una partìa a tressete.
Cossa mai giova a l'omo
I nobili suori?
Studiar tomo per tomo
16Un popolo de autori?