CAMPIÈLO DEL VIN
Co stava quà mi andava al zardineto1
e imparava le aste e dei bei zoghi,
o zardin Pestalozzi a San Benèto,
4sconto fra tanti veci bruti loghi!
E la sera, cucià drento al mio leto,
le gambe de Pinochio gera roghi,
e da l'Ilustrazion co gran dileto
8Verne dixèa de giazzi o de gran foghi.
E dal Lido, nel colmo de l'istà,
vegnìva a casa de la mama a man,
11se spetava el ritorno del papà
e i risi coi spinassi e el fresco pan
magnàva, opùr vardàva imbambolà
14i rondòni2 svolàr su San Zuliàn!
