O xè in balanza
E tera e cielo
E gh'è speranza
D'un ano belo,
E Dio comanda
Che da una banda
Alza la testa
Un nuvoleto
(Che par un peto)
E che alla presta
Cambià in tempesta
El vegna dreto,
Nel cuor del caldo
A far un saldo
Sul mio poder
Per liberarme
Dal tormentarme
Col Dar, e Aver.
Ne conti fazzo
Su le prediali,
E naturali
E adizionali
Le meto a mazzo
Co tanti mali.
Dio vol cussì:
Ma co sto Zero
Ve digo el vero,
Non son più mì
La musa incerta
No xè più averta.
