Cusina1 da Cristiani
Là, sul camin, du stissi in croce i brusa,2
consolassion de tuta la giornada;
tacada via gh'è 'na panara sbusa,3
4co i segni de polenta mal menada.4
Un stagnà soto a i travi, co 'na musa
che fa le sgogne a quei che passa in strada,
a ci se ferma el ghe domanda scusa,
8se 'l so paron no 'l ghe l'à mai lavada.
Gh'è scancanade do careghe5 basse;
butà par tera un stramasseto duro,
11el fa da lèto a 'na putina in fasse;
e contornà da un altarin de asse,
gh'è 'na madona piturà sul muro,
14che benedisse quele quatro strasse.
