Pagina:Poeti antichi del dialetto veneziano 2.djvu/27

Sta pagina la xe stà trascrita, ma la gà ancora da vegner rileta.

I ochi no xe fogo,
     Ma xe chiari splendori
     Che ilumina ogni liogo
     Che aviva tuti i cuori,
                Perchè la xe luse
     De l'anema che informa
     Quela legiadra forma
     Donada a nu dal Cielo
     Per ralegrar ognun col so modelo.
Le galie¹ po xe riose
     Cussì odorose e bde
     Che le altre resta ascose
     A paragon de quele;
                E se talvolta
     Le xe un poco più rosse,
     Amor co le percosse
     Da burla sì le à toche
     Per invidiarne i basi a mile boche.
Quela boca amorosa,
     Dove ch'Amor gh'à messo
     Quanta dolcezza ascosa
     À Elicona e Permesso,
                Ela xe fata
     De perle e de rubini,
     E ga certi acentini

↑ Galie. Guancie, voce fuori d'uso.

[1] Galie. Guancie, voce fuori d'uso.

1