Pagina:Raccolta di poesie in dialetto veneziano 1845.djvu/129

Sta pagina la xe stà trascrita, ma la gà ancora da vegner rileta.

     El nunzio ve riceve,
     El Nunzio xe zentil e assae bonomo,
     El ve tien, el ve guarda
     Co 'l sa la vostra colpa
     10E 'l pericolo somo.
     Se in Venezia vu stè,
     No no, no la scampè,
     Ve lo aviso; e predigo,
     (No disè che sia un strambo o pur un sbrega)
     15El popolo in tal dì ve ferma e siega.


AI CORRETTORI DELLA REPUBBLICA.


Se tornasse a sto mondo
     E Licurgo e Solon,
     E tuti i sete Savj de la Grecia
     I resterìa a la fè tanti cocali
     5Volendo riformar ancuo Venezia!
     L'è andada sta Cità;
     Sta Republica alfin
     Più de tute à durà.
     Co l'abito xe vechio
     10Nol se rinova più,
     D'una velada se fa camisiola,
     De questa le braghesse,
     (E in braghesse, perdìa, semo ridotti!)
     E quando le xe rote
     15Se mete dei taconi,
     Se dà bei dei pontini
     Per no mostrar el cul e i balotini.
     De più no se pol far,
     Dio solo xe capace de crear.
     20Co i vizj à sotomesso le virtù
     No gh'è rimedio più.
     La gola, el lusso, la lussuria e l'ozio
     Trionfa in sta Venezia,
     E a coregerla ben l'è una facezia.
     25Peraltro se volè, Legislatori
     Zelanti per la Patria,
     Se volè, mi ve dago
     Un ricordo sicuro ma violento
     Da farve sgargatar, cavar i ochi.
     30Ecolo in bota qua:
     Chiapè, tegnì, sarè la Dona in casa,
     La Dona, sì, la Dona,
     La Dona à rebaltà
     Le legi e le virtù de sta Cità.

IL CONCIERE DI TESTA.


El concier de la Dona
     Ogni momento el cambia;
     Parigi ne dà el ton
     Per topè, per bandete e per cignon.
     5Quel concier feminil
     Xe vario; ma el viril,
     Quelo del Cavalier e del Marìo
     No va avanti nè indrio;
     L'è costante, l'è quelo,
     10L'è quelo che savè,
     L'è quelo alfin, l'è quelo de Moisè.


AL PREVOSTO DI SORISOLE


DON ANTONIO RUBBI

VENUTO IN CREDITO DI FAR MIRACOLI.


O Don Antonio Rubi, Taumaturgo
     De Bergamo, agiutè
     Un Sordo che qua gh'è;
     Un Sordo cussì sordo, e tanto sordo
     5Ch'ogni fedel creatura
     Che con lu parla rischia una rotura.

Da Sorisol voltève in ver Venezia,
     Benedì, ma de cuor,
     Sto Sordo secator,
     10Fe' ch'el buta a la fin via la trombeta,
     Liberè sta Cità
     Da tanta maledeta sordità.

Canzon, overo Oremus,
     Va là, va dal Prevosto,
     15Va ti, perchè sto Sordo
     No ga bezzi da far tanta gran strada;
     E quando ti è arivada,
     Con un cuor pien de speranza e ingordo
     Racomandaghe ben, ben ben, sto Sordo.

Traesto fora da Wikipèdia - L'ençiclopedia łìbara e cołaboradiva in łéngua Vèneta "https://vec.wikisource.org/w/index.php?title=Pagina:Raccolta_di_poesie_in_dialetto_veneziano_1845.djvu/129&oldid=70102"