Pagina:Raccolta di poesie in dialetto veneziano 1845.djvu/252

Sta pagina la xe stà trascrita, ma la gà ancora da vegner rileta.

Visto apena el bel pavegio,
     Quela stofa rica e rara
     Tuti i core, tuti a gara
     40Tenta farghene botin;
E chi spiega el fazzoleto,
     Chi la man stende bel belo,
     Quelo sporze el so capelo,
     44Questo buta el baretin.
Fa de tuto per salvarse
     Quela povera farfala;
     La va su, ma po la cala;
     48Se la cuca el più vicin.
Tuti alora ghe xe adosso,
     Chi la testa, chi un'aleta,
     Chi ghe sbrega la coeta....
     52Bona note calalin.
Quando el grilo, che spiava,
     Vede come 'l ga finio;
     «Mo minchioni, el dise, sio,
     56Che 'l se peta el so morbin!
El brilar, a quel che vedo,
     Costa tropo; adio sior mondo,
     Torno in buso, me sprofondo,
     60Vago a farme certosin.
Cari fioi, gavemo tuti
     Mal e ben in varia dose,
     Ma chi spica sempre rose
     64Più dei altri dà nel spin.


EL PROGETO DE L'ASENO


Diseva un aseno
     Ben bastonà:
     «No gh'è giustizia,
     4Nè carità.
Perchè mo a Trotolo,
     Can del fator,
     Tante mignognole,
     8Tanto favor?
Tuti lo cocola,
     Vien qua tetè,
     Buzzolai, zucaro,
     12Cipro e cafè;
E a mi che strussio
     Più d'un stalon,

     Povero diavolo,
     16Pagia e baston!
Dov'è i so meriti
     Voria saver?
     Mi no so vederli
     20Da cavalier.
Alzarse e meterghe
     Le zate in man,
     Saltarghe ai totani,
     24Farghe bacan;
Star come i omeni
     Col peto in su,
     Licarghe in gringola
     28Dal ron al cu...
Ma se ste buscare
     Lo fa regnar,
     Per cossa m'ogio
     32Da desparar?
E grazia e spirito
     Anca mi go...
     Orsù, provemose...
     36Lo imitarò.»
E la so massima
     Fissà cussì,
     La mete in pratica
     40L'istesso dì.
Torna da vesparo,
     O dal perdon,
     Col padre Ipolito
     44El so paron:
Co vede l'aseno
     Ch'i è là ch'i vien,
     Se mete a l'ordine,
     48Se posta ben;
E su drezzandose,
     Lesto e gentil
     In perpendicolo
     52Da campanil,
Spalanca in ipsilon
     Le zampe, e zo
     Al colo butise
     56De tuti do.
Li basa e strucola
     De vero cuor,
     Li imbava e imbrodola
     60Da far oror. —
»Misericordia!
     Ajuto! oimè! —

Traesto fora da Wikipèdia - L'ençiclopedia łìbara e cołaboradiva in łéngua Vèneta "https://vec.wikisource.org/w/index.php?title=Pagina:Raccolta_di_poesie_in_dialetto_veneziano_1845.djvu/252&oldid=66534"