PARALELLO TRÀ DIOGENE, E L'AUTORE
SONETTO
Me par, che un altro Diogene sarìa,
S'ascoltasse la propria inclinazion,
Me lasserìa vegnir un gran barbon,
4Nè mai le man, o i pìe me laverìa.
De Camisa mai me mudarìa,
Nè de scarpe, de calze, o de bragon;
Lesso, rosto, stuffà, trippe, boldon
8Tutto quanto in t'un piatto magnerìa.
A tutto mi sarave indifferente;
Tanto a una vesta bona, che a una rotta;
11E lontan mi starave dalla zente.
Diogene stava sempre in t'una Botta,
Solo in questo da lù son differente,
14Perchè mi starìa sempre in t'una Potta.
