ACCIDENTE FORTUNATO
SONETTO
Son stà in Mona jer sera allegramente
Co una, che mai più l'ho praticada,
Ma sentì l'occasion, come l'è stada,
4Che no l'aveva gnanca per la mente.
Vedo un muso al balcon mezzo ridente,
Che me fà d'occhio; Oh! se no fusse in strada,
Ghe digo, ve darave una chiavada,
8Ma ghe lo digo appian, che gnessun sente.
Bisogna, che la Mona ghe tirasse,
La m'hà averto la porta in t'un momento,
11Nè mi ho aspettà, ch'Ella me invidasse.
Go issà su le carpette, come un vento,
E per paura, che la me scampasse,
14Senza spuazza ghe l'ho messo drento.
