Pagina:Raccolta universale delle opere di Giorgio Baffo 3.djvu/175

Sta pagina la xe stà trascrita, ma la gà ancora da vegner rileta.

SORA LA LETTURA DEI LIBRI OLTRAMONTANI.

CANZONE

Dopo, che tanti gà letto,
    E ch'i leze al dì d'ancuò
    Del francese el bel Dialetto,
    4E de qualche Paninbruò,

Se discorre, ch'in Natura
    Ghe dei mali quanti basta,
    Senza far, che la Scrittura
    8Sù ghe metta un'altra tasta,

Che bisogna divertir
    Oltre 'l corpo anca la mente,
    Perchè za s'hà da morir,
    12E de là no ghè più gnente;