PER ESSER PROIBIO I CASINI ALLE DONNE.
SONETTO
Cos'hà da far ste nostre Donne adesso,
Che no le puol sentarse più per strada,
Cosa, che fin ai cani ghè permesso;
4E a qualunque canagia buzarada?
In t'i casini ghè negà l'ingresso,
E la porta per elle xe serrada,
In le botteghe no ghe xe più accesso,
8Che la so nobiltà sarìa sporcada.
Come hale da passar tutte le sere?
A Casa nò, ch'ormai xe troppo tardi,
11No stà più a Casa gnanca le massere.
Dove mai puorle andar senza riguardi?
A parlar schietto con le mie maniere,
14Mi no ghe vedo altro, che i Stendardi.
