RISPOSTA D'UN AMANTE.
SONETTO
Fava do Amanti una grisonerìa,
E mi m'hò trovà là co ste persone;
La Donna giera ben de quelle Done,
4Che schietta savea dir l'Ave Marìa.
L'hà fatto st'espression de zelosìa;
Senti fionon de cento buzarone,
Se mi gavesse insina cento Mone,
8Una, ch'è una, mi no te la darìa.
Ascoltè, che risposta in quel momento,
Che lù gà dà con tutta la so Luna;
11Ve sè ben fatta avara a quel, che sento.
No posso, che incolpar la mia sfortuna,
Gavè 'na Mona sola, e la dè a cento,
14E no me ne daressi de cento una?
