EL DIAVOLO NO VUOL SENTIR LA CROSE.
SONETTO
Vorrave, cari amici benedeti,
Che me spiegassi, come, che 'na Dona,
Che xe stada, e che xe 'na buzarona,
4No voggia, che se diga i me soneti;
Se li gode a sentirli Frati, e Preti,
E ogni più onesta, e savia Zentildona,
E questa, che sbregada gà la Mona,
8Se fà scrupolo, e tien i lavri streti.
Mi no posso altro dir, al mio parer,
Che a sentir ste Poesìe libertinose
11Ghe par, che ghe rinfazza el so mestier,
Oppur, come la xe trà le baose,
Ghe daga sti me versi despiaser,
14Come ghe dà al Diavolo la crose.
