SULLO STESSO ARGOMENTO.
SONETTO
Donca la mia Morosa xe novizza!
Che gran travagio, che per mi xe questo,
Che no posso toccarghe mai più el cesto,
4Nè grattarghela più, co la ghe pizza!
Come chi vuol a un Can tiorghe la Chizza,
Quando, che la và al salto, e lù sia lesto
De farghe quel servizio presto presto,
8Dalla rabbia el se innalbera, e 'l se instizza;
Cussì mi son, che in tempo, che sperava
De tirarghe alfin suso la carpetta,
11Ho da veder, che un altro me la chiava.
Posso ben dir: Fortuna maledetta!
Tanto fà, che l'Osello mi me cava,
14Se ho perso quella Mona benedetta.
