SULLO STESSO ARGOMENTO.
SONETTO
Dei stupendi miracoli se sente,
Co se leze ste vite de sti Santi,
Per mi li credo veri tutti quanti,
4Siben, che mai mi no gò visto gnente.
I dise, ch'in presenza della zente
I hà dà salute ai infermi agonizanti,
I hà dà vista, e favella a tant', e tanti,
8E la vita a dei morti intieramente.
Mi no domando grazie cussì grasse,
Perchè de veder no meriterìa,
11Ch'un corpo morto i me ressuscitasse.
Ve digo ben el vero in fede mìa;
Se al mio Cazzo la vita i ghe donasse,
14D'andarme a confessar m'impegnarìa.
