RICCORSO ALLA DEA VENERE.
SONETTO
Graziossima Dea Venere bela,
Dei Omeni, e dei Dei vera dolcezza,
Del mio cuor vù sè l'unica allegrezza
4Siben, che sè depenta su 'na tela.
Oh del gran Ciel la più brillante Stela!
Per quell'amor, per quella tenerezza,
Ch'avè portà d'Adon alla bellezza,
8Fè sì, che se me leva la Capela.
Altro, che quella gran trasformazion
D'aver in un anemolo novello
11Cangià dopo la morte el bell'Adon!
Miracolo sarave assae più bello,
E per vù gaverìa più devozion,
14Se me fessi tornar duro l'Osello.
