Pagina:Rime in dialetto veneto di Polifemo Acca.djvu/106

Sta pagina la xe stà trascrita, ma la gà ancora da vegner rileta.
GIUDA


     Eco Scariòt che sogna el tradimento
E se desmissia co la borsa in man;
Ma Satana lo guanta in quel momento
Cigando: So qua mi, razza de can.
     Giuda ghe sbrissa via pien de spavento,
Fra le zate lassandoghe 'l pastran,
E cento cale traversando e cento
El se fica ne l’orto del piovan.
     Meterse 'l lazzo sora un gran figher
E cascar zoso come un pero gnoco,
Xe la storia d’un lampo, d'un pensier;
     Ma ’l diavolo più forca e più lizier,
Rompe co i denti a la cravata el fioco
E ghe mete un cordon da cavalier.

Traesto fora da Wikipèdia - L'ençiclopedia łìbara e cołaboradiva in łéngua Vèneta "https://vec.wikisource.org/w/index.php?title=Pagina:Rime_in_dialetto_veneto_di_Polifemo_Acca.djvu/106&oldid=71304"