Pagina:Rime in dialetto veneto di Polifemo Acca.djvu/6

     Stufo de quel’eterna petulanza
Che me vien a tirar per el capoto,
Dopo una fastidiosa gravidanza
Ò messo al mondo un altro piavoloto,
E apena da le cotole el se mola,
Ecolo qua che ve lo mando a scola.

     Sentirè che no 'l parla venezian,
Perchè a San Marco no'l ghe xe mai sta;
Ma un poco del vernacolo istrian
In brazzo de la nena¹ l’a impara;
E se 'l ve par dureto de cervelo,
Compatilo, compare, el xe putelo.

1. Nutrice.