Pagina:Rime pescatorie.djvu/57

Sta pagina la xe stà trascrita, ma la gà ancora da vegner rileta.
DESPERATA.
D
D
aspuo che son sforzao de desperarme,

     Possa vegnir tanta pioza dal Cielo,
     Che siando in casa mia possa anegarme.
Possa cazer a i panni tutto el pelo,
     E muora da desasio le putane;
     E i frati sì deventa ognun gambelo.
Possa perder el son pive, e campane,
     Deventa zonfi sertori, e becheri,
     E no se trova pi buovoli, e rane.
Possa morir da gran fredo i stueri,
     E vegna pieni de gote i Prelati,
     E perda le recete i spicieri.
Possa vegnir tutti i dottori mati,
     E perda anche la vose i cantaori;
     E i sorzi daga de le bote a i gati.
Possa perder la luse i baraori.
     E i soldai si deventa poltroni,
     E vegna tutti i vilani signori.
Possa perder el vin i Borgognoni,
     I Francesi, i Todeschi, i Transilvani,
     I zaffi, i bravi, con tutti i Schiavoni.
Possa mancar le antigaie a i Romani,
     E vegna'l pesce in frotta per le strae,
     E perda l'Arcoran Turchi, e Marani.
Possa morir tutti da le contrae,

Traesto fora da Wikipèdia - L'ençiclopedia łìbara e cołaboradiva in łéngua Vèneta "https://vec.wikisource.org/w/index.php?title=Pagina:Rime_pescatorie.djvu/57&oldid=55998"