Bepo. I m'à molà, i m'à molà!
Tutti. Bepo!
Bepo (a Cate). E mi che ve çerca a casa!
Cate. Ah, siestu benedeto! Vien qua che te struca!
Bepo. Struchième pur, ma fè pian parchè go le buele vode.
Cate. Ah, che nasa, che nasa! (fiuta l'aceto).
Anz. Adesso dunque che xe tuto fenio, quel che xe stà xe stà e stemo tuti alegri.
Tutti meno Bortolo. Eviva!
Anz. El diga sior Bortolo, suso, anca lu el se daga coragio e el ghe daga un baso a quel povaro Pasqualin.
Bot. Nol se lo merita.
Anz. Lo prego mi.
Cate. Vu? (dopo un momento levandosi un anello). Pasqualin ciapè sto anelo e dèghelo a la puta in segno de promessa.
Pasq. (baciandogli la mano). Grazie sior barba. (a Tonia). Ciapè, vardè co bel sarpente da çinque ziri, ve piaselo?
Tonia. Tanto el me piase, ma me piase de più chi me l'à dà.
Bort. (ridendo). Mi ve lo go dà!
Tonia. Voleva dir chi me lo ga messo in deo.
Bort. Seu gnanca una matona!
Piero. Mare, mi go vogia de magnar!
