MOLEMO O NO MOLEMO?
Al Quartier Generale
Xe seduta segreta,
Che i parla dei Polachi
Ve flocia[1] la «Gazeta».
I parla de le bote
Che li ga ben conzai.
No i sa più da che parte
Andar zercar soldai.
Carleto[2] al suo compare
Ghe disi: Cossa femo?
El Stato xe in malora,
Molemo o no molemo?
Tirandose i mustaci,
Vardando un dirigibile,
Quel altro ghe rispondi:
— Molar? Ma xe impossibile.
— Ma no ghe xe più viveri,
Xe svoda la cantina...
Prima de andar far pipe[3]
Mi mazzo la galina.[4]
— Perdemo la corona,
L'onore de la razza...
— La mia no val un soldo,
La xe de carta strazza.
