Pagina:Trieste vernacola.djvu/54

Sta pagina la xe stà trascrita e rileta.
EL MEDICO A VAPOR.


Ma chi xe quel Ipocrate eloquente
Co i oci fora e co la felpa1 in su,
Quel spampanon2 che gira eternamente
Co l'ostensorio de le sue virtù?

Guai se 'l se amala, guai se 'l resta assente,
El lavativo no funziona più:
Nissun no vedi nè capissi gnente,
E gnente se pol far senza de lu.

Co tuto quel vapor che 'l buta fora
Da la caldiera che ghe boje3 in peto
Fe zento sachi de gialapa4 a l'ora;

E in tanta furia el svola ai sui malai,
Che Morte, straca, no ghe ariva al leto
Che un'ora dopo che 'l li ga copai.


Dialetto triestino.

  1. felpa, cappello (vedi pag. 22)
  2. spampanon, ciarlatano, gradasso, smargiasso
  3. boje, bolle
  4. fe zento sachi de gialapa, fate cento sacchi di gialappa. La gialappa era una resina molto in uso nella farmacopea antica, quale purgante.
Traesto fora da Wikipèdia - L'ençiclopedia łìbara e cołaboradiva in łéngua Vèneta "https://vec.wikisource.org/w/index.php?title=Pagina:Trieste_vernacola.djvu/54&oldid=65793"