|tipologia=poesie
}}
{{pagina|Spiere de Sol.djvu/18}}
<poem>
:::::''(viçin al balcon)
Ecote quà, bel sol pien de colori
che drento ti me vien a far la spia,
zo', scaldime sto cuor, svegia sti amori,
::che go tanto bisogno d'alegria...
E vu, tenari fiori profumai,
tuta beleza e tuta poesia,
Sù da bravi! cressè... cussì... indorai,
::che go tanto bisogno d'alegria...
E vualtri, oseleti piçenini
che sempre me voressi scampar via,
zighè forte, vegnime più viçini,
::che go tanto bisogno d'alegria...
Ah stagion bela, dura tuto l'ano!...
fame sognar, o Primavera mia;
co ti, nel cor me sparirà l'afano
::e... chissà che me torna l'alegria...
</poem>
|