|tipologia=poesie
}}
<poem>
Cavei scuri, bela boca,
Oci neri, carne rosa,
Che nissuno me la toca,
Eco qua la mia morosa.
<pages index="Le Rime Veneziane e Il Minuetto.djvu" from=183 to=184/>
Quante volte co la vedo
Me vien mal dal tropo bene,
Quante volte sento e credo
De morirghe sora al sen!
Do diamanti neri i oci
Xe, lo zuro, de sta tosa,
Zo el capelo, zo i zenoci,
Eco qua la mia morosa.
Co la vardo tremo tuto,
Quel che sento dir non so,
Paro un sempio, paro un muto,
Che non dà nè in sì nè in no.
Ma vardèla, ma vardèla,
Che figura deliziosa.
Cossa? in tera gh'è una stela?
Lo so ben, la mia morosa.
Co ghe parlo sento in pèto
Bater forte, forte el cuor.
El me bala el minueto,
El me dise: eco el to amor.
</poem>
|